Folgefonna Opp 2021

 

Påmelding

Folgefonna Opp 2021 går av stabelen 7.august. Ordinær påmeldingsfrist er 1.august, men det er mogeleg å etterpåmelde seg fram til ein time før start. 

Du kan betale med kort, kontant eller Vipps.

 
 
Startid
Konkurrranseklasse:    kl  11.00
D/H 15-17 år
D/H 18-22 år
D/H 23-34 år
D/H 35-39 år
D/H 40-44 år
D/H 45-49 år
D/H 50-54 år
D/H 55-59 år
D/H 60-64 år
D/H 65-69 år
D/H 70 +
 
 
Mosjonsklasse utan tidtaking:     Start 0800-1000
Ingen klasseinndeling, løparen må vera 11 år innan kalenderåret.

Mosjonistane må tilstreba å vera på Fonnabu før 1330.

Mosjonistane treng ikkje nå Fonnabu dersom dei ikkje ønsker det. Kravet er sett til minimum passert Gardshammar, 5 km 745 moh. 
Her er det også drikkestasjon og registrering av mellomtid for konkurranseløparane.

Pris:
Konkurranseklasse  kr 350, (kr. 450 etter påmeldingsfristen).
Mosjonsklasse kr. 200, ingen etterpåmeldingsgebyr.
Juniorklasse kr 150, ingen etterpåmeldingsgebyr.
NB! Med i prisen er middag og kaffi til alle løparane ved retur Sandarvollen.  Det gjeld også mosjonistar og juniorar.
 
 
Løypelengde:
Sundal kai – Fonnabu 12 km , 1460 høgdemeter. 
Sundal kai – Gardshammar 6 km , 745 høgdemeter. 
(mellomtid)
Alle løparane må gå tilbake same vegen dei kom.
 
Mat og Drikke:
Det blir fire drikkestasjonar langs traseen. Ved målgang Fonnabu serverer Kvinnherad Turlag varm fruktsuppe til slitne kroppar.  Hugs også at det er middag og kaffi i vente ved retur samlingsplassen på Sandarvollen.
 
Sekk:
Konkurranseløparane til Fonnabu skal ha sekk som veg 2.5 kg ved start og mål. Det blir eit minutt tillegg i tid for kvart 100 g sekken er under 2.5 kg i mål.  Er sekken under 2.0 kg blir løparen diskvalifisert.
 
 

Premiar:
Dei tre første til Fonnabu D/H uavhengig av klasse.

1.premie kr.  3000
2.premie kr.  2000
3.premie kr.  1000
 
Lokalproduserte Premiar
Vinnaren stikk også av med eit Tursnaps-kar, den såkalla Tomlingen.
Tomlingen er laga av salmaker Sajia Næs.
I tillegg får dei tre første kvar si unike Folgefonna-Opp hue.
Hua er laga av strikkedamene i ; Ein blå Tråd.
Blir det sett løyperekord, vankar det ein bonuspremie i form av Bård Øyre sin handlaga kniv.
Klassevinnarane får også kvar si Folgefonna-Opp strikkehue.
Juniorane kan også vente seg fine premiar og Folgefonna-Opp hua.
I mosjonsklassen vil me trekke ut tre vinnarar av kvar si Folgefonna-Opp hue.
Alle deltakarane får også utdelt diplom som bevis på framifrå innsats.

Sanitet:
Kinsarvik Røde Kors som er ved to postar langs traseen.

Hytte Fonnabu:
Kvinnherad Turlag og Bergen Turlag

NB!All deltaking skjer på eige ansvar. I høgfjellet endrar veret seg fort. Ha med deg nok kler og utstyr til å klare deg sjølv 

Overnatting:
Ænes og Mauranger byr på overnatting i hytter,  på campingplassar og ved Mauranger Kro og Vertshus. Sjå meir informasjon her. 
Vil du bu på hotell, er reiser til Odda eller Rosendal ein kort biltur unna.

Dusjfasilitetar ved Mauranger Skule.

Meld deg på her

Løypeprofil

  • 0- 2 km god grusveg.
  • 2-5 km rideveg i hårnålssvingar.
  • 5-9 km god T merka sti.
  • 9-10km T merka, sherpa trapper i oppstigning til Breidablikk.
  • 10- 12 km steinete terreng , T merka sti + tilleggsmerking med oransje merkepinnar og blå flagg.

Høgdeprofil

  • 0- 2 km 60 – 150moh.
  • 2-5 km 150 – 745 moh. 600 høydemeter på 3 km.
  • 5-8 km. 745 – -1200 m Flatar litt ut, oppmurt sti i svingar i Gjeldfeskaret.
  • 8 – 10 km 1200 – 1300 moh. Liten nestigning før siste kneik opp til Breidablikk.
  • 1o -12 km Lett terreng men litt oppover og nedover på ryggen bortover mot Fonnabu.
løype2
 
 
Løyperekordar:
 

Herrer :               Lars Erik Skjervheim     Voss IL       1.19.01 (2018)

Damer:               May Britt Buer    Gular IL     1.40.12 (2016)